General Santos City— Ginatun-an na karon sa Police Regional Office 12 ang posibleng re-alignment sa mga personahe sa kapulisan hilabi na sa Gensan City Police Office.
Sumala kang Police Chief Superintendent Marcelo Morales, Regional Director sa PRO 12 nga daghan mga lugar sa rehiyon ang kulang sa ihap sa kapulisan.
Kung asa migawas matud pa sa ilahang pagsuta nga nanghinobra ang ihap sa mga personahe sa GSCPO rason nga posibleng kini bawasan ug mukabat sa 165 ka mga pulis ug ipangbutang sa ubang lugar sa rehiyon.
Dugang pamahayag ni General Morales nga dili siya kumbisido nga kulang ang ihap sa kapulisan sa GSCPO gumikan kung basihan ang ilahang table of organization, nanghinobra ang pulis sa dakbayan.
Sa karon, ilaha una kining ginatun-an hilabi na nga nagadaghan ang katawhan sa dakbayan.
Pag-angkon niya nga 1:500 gyud ang ideal nga ratio sa kapulisan ug katawhan apan kini ang wala pa gyud makab-ot hilabi na nga aduna daghan lugar sa rehiyon nga hilabihan ka kaulang ang presensya sa kapulisan.
Pamahayag niya nga kung basihan ang ihap sa mga pulis, ang mga Class C nga munisipyo ang dapat aduna lang 21 ka mga personahe sa kapulisan lakip na ang mga Chief of Police, apan iyaha unang ipasuta kung asa nalakip ang mga barangay sa Gensan gumikan dagko ang mga area of responsibility sa matag Police Station nga nahimutang sa syudad.
