Positivity club sa mga eskwelahan nakita nga sabat sa mental health problem sang mga pamatan-on

28

SYUDAD sang Iloilo – Ginaduso sang city council ang pagtukod sang mga positivity clubs sa mga eskwelahan sa syudad sang Iloilo.

Suno sa proponent sang ordinansa nga si councilor Lady Julie Grace Baronda, ang positivity club mangin champion sang mental health.


Umpisahan ini sa paghanas sang mga trainers kag government offices nga mangin kabahin sang programa.

Paathag ni Baronda, kun matabu pinakauna ini sa bug-os nga Pilipinas gani nagahimo sila sang maid-id nga konsultasyon kun ano ang mangin kabahin sang positivity clubs.

Sa karon ginatan-aw ini nga mangin support group sa mga may mental health issues nga mga pamatan-on.

Kun mapasar ang ordinansa mangin mandatory para sa mga eskwelahan ang pagtukod sang positivity clubs.// Joel Franco reports

Tags : Visayas, Western Visayas, DYRI 774, RMN Iloilo, Iloilo City, RMN Iloilo, Iloilo

Facebook Comments

From Advertisers