Positivity rate sang mass testing yara sa 15-20 porsyente suno kay Dr. Tumimbang

10

Yara sa 15-20 porsyento ang positivity rate sang specimens gikan sa mass testing kadungan sang Timeout Weekend sa probinsiya sang Negros Occidental.

Ini suno kay Provincial Health Officer Ernell Tumimbang kasunod sang resulta sang ila ginpadala nga samples sa laboratoryo sang Philippine Red Cross sa ciudad sang Bacolod.

Gani suno kay Dr. Tumimbang amo man ini dapat ang preparahan sang mga local government units nga nakigbahin sa mass testing pag-abot sa contact tracers kag quarantine facility. Importante suno kay Tumimbang nga magpreparar na ang Bacolod, Silay, Talisay, Murcia kag Bago antes pa man maguwa ang tanan nga resulta sang gin-test nga 6,270 individuals halin sang Agosto 27-31.

Nahibaluan nga magluwas sa Teresita Lopez Jalandoni Provincial Hospital kag Philippine Red Cross ginpadala man ang iban nga specimens sa Vicente Sotto Memorial Medical Center sa diin may initial results na nga ginpadala para sa Bacolod City.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments