PPOC South Cotabato magapain sang pondo para sa halfway house kag livelihood sang rebel returnees kag mga testigo.

Nagpasar sang duha ka mga resolution ang Provincial Peace and Order Council sa ginpatigayon nga 3rd quater meeting sini para sa programa sa mga rebel returnees kag subong mga testigo sa heinous crimes kag drug related crimes sa South Cotabato.
Una nga resolution nga ginpasar ang pagpain sang pondo sang lokal nga panggobyerno sang South Cotaabto paagi sa POC fund para sa operation sang half way house.
Ikaduha nga resolution ang pagpain sang pondo para sa mga nagsurender nga mga miyembro sang NPA kag nalakip fire ang mga testigo sang heinous crimes kag drug related crimes.
Katuyuan sini nga mahangkat ang iban pa nga miyembro sang NPA nga magdurender kag maproteksyunan man ang seguridad sang mga testigo.
Ini tungod suno kay South Cotabato Governor Daisy Avance Fuentes kon hulaton pa ang ayuda sang national government kag rason nga madismaya ang mga rebel returnees.
Nahibaluan nga ang South Cotabato ang isa sa mga probinsya sa bug-os nga pungsod nga makaavail sang 5 million pesos para sa pagtukod sang halfway house nga programa sang Department of the Interior and Local government kag Office of the Presidential Adviser on the Peace Process nga magaserbi processing center para sa mga former rebels ka gang counterpart lang sang provincial government ang lupa nga tukuran.
May-angot sini nakasugtan sa ginpatigayon nga PPOC meeting nga itukod ang halfway house sa bahin sang Barangay Paraiso, Koronadal City.