Bukidnon – Narekober sa Philippine National Police kon PNP-Talakag ang mga armas ug mga bala, human nga nagka-engkwentro ang Bukidnon Provincial Public Safety Company ug gituhuang sakop sa New Peoples Army kon NPA sa Barangay San Rafael lungsod sa Talakag, Bukidnon kaniadtong Biyernes sa hapon.
Sigun sa Talakag Municipal Police Station (TMPS) nga samtang nagpahigayon ug Barangay Dialogue (Pulong-Pulong) uban sa mga residente sa mao nga barangay alayon sa ilang Minor Law Enforcement Operation ang PPSC sa mao nga lungsod, adunay nadunggan sila nga buto-buto sa armas nga dili ra usab layo sa assembly area.
Human niini niresponde gilayon ang PPSC-Bukidnon ug samtang paduol na kini sa dapit gitagbo kini ug buto sa armas sawala masutang ihap sa armadong grupo.
Human niini napugos usab ang kapulisan sa pagbalos sa nahimutangan sa ka-away nga nagresulta sa 3 hangtod 5 ka minutos nga binayloay sa bala.
Dali usab nga nisibat ang mga NPA, hinoon walay nasamdan o namatay sa habig sa kapulisan.
Human sa engkwentro na rekober sa sa encounter site ang usa (1) ka M4 rifle Colt, duha ka (2) short plastic magazines, 22 ka mga buhing bala sa 5.56mm ug ubay-ubay nga mga basiyo sa bala.
Base sa inisyal nga imbestigasyon nga gihimo sa kapulisan, nasuta nga ang naka-engkwentro sa kapulisan mga miyembro sa CPP/NPA nga ilawom sa GF 68 nga gipangunahan ni Alexander LLESSIS, ug usa ka miyembro nga gi-ilang si Arthur “Atoy” May-May.
Nasayran nga naghimo matud pa ug pagpangilkil ang mga NPA sa lugar ug giharas ang mga pakyas nihatag sa ilang gipangayo.
