BACOLOD CITY – Ginklaro ni Presidente Rodrigo Duterte nga wala madala kag wala niya gin-pangalanan si Bacolod City Mayor Evelio Leonardia nga isa sa mga pulitiko nga involve sa illegal drugs.
Ini ang ginhimo sang pangulo pinaagi sa iya pagpagwa sang isa ka 4-minute statement sa iya official Facebook page.
Suno kay Duterte nga gin-gamit lang ang iya ngalan sang anay alkalde sang Bacolod nga si former Mayor Monico Puentevella para ipagwa nga kaangay nga gin announce sini nga si Leonardia ang nalakip sa narcolist.
Bisan pa si Puentevella ang wala man sa ila listahan kon druga ang pagahambalan.
Pahayag sang pangulo nga na-mention gid lamang niya si Leonardia sang ini ang iya masugilanon sa iya kampanya kontra illegal drugs sang nagpatawag ini sang meeting sa tanan nga mayors sa Malacañang kon diin nagtambong si Mayor Bing.
Hingyo sang Presidente nga indi dapat paggamiton ang iya pangalan sa mga pahayag nga wala naman sang kamatuuran.
Ginklaro pa sang pangulo nga ginasuportahan niya si Leonardia sa iya liwat pagpadalagan bilang alkalde sang ciudad sang Bacolod./DYHB NEWSROOM
