Gina-pasalamatan ni Moises Padilla-Vice Mayor Ella Garcia Yulo si President Rodrigo Duterte nga nagpadulong gid sa iya banwa kahapon agud personal nga e-check ang ila lugar matapos nga gin-declare nga yara sa idalum sang COMELEC Control.
Suno kay Garcia nga personal sila nga nag-istoryahanay ni Duterte sa diin ginpasalig sang presidente ang ‘safety’ sang mga pumuluyo particular sa adlaw sang pinili-ay.
Paathag sang bise-alkalde nga nagpasalig man si President Duterte nga hatagan sang hustiya ang kamatayon sang mag-tiyo nga Mark kag Michael Garcia.
Dugang pa ni Vice Ella nga masubo lang nga kinahanglan pa nga madula ang mag-tiyo nga Garcia, antis natutukan ukon nahatagan sang atensyon ang ila banwa.
Nahibalu-an nga pagkatapos sang separado nga meeting ni President Duterte sa ila nanday VM Garcia kag Mayor Magsie Pena, nag-attend man si Duterte sa coordination meeting sang PNP kag AFP agud mapabilin naman nga kalinong sang Magallon samtang naga-hilapit ang eleksyon.
