NEGROS ORIENTAL – Natalana nga maga abot sa Negros Oriental si President Rodrigo Duterte upod si PNP Chief Director General Ronald ‘Bato’ dela Rosa.
Sa iya pag-abot, pagabisitahan ni Duterte ang pamilya sang mga nagkalamatay nga katapo sang Guihulngan PNP sa natabu nga ambush didto sang nagligad nga Sabado.
Pagahatagan ni Pres. Duterte sang posthumous awards ang mga nagkalamatay nga pulis lakip na si Police Supt. Arnel Arpon, hepe sang Guihulngan City PNP.
Halin sa Guihulngan, magapadulong si Duterte sa ciudad sang Dumaguete kon diin iya pagabisitahan ang mga napilasan nga pulis nga padayon karon nga ginabulong sa Siliman University Medical Center.
Suno sa PIO sang PRO18, Police S/insp. Armilyn Vargas nga makabaton sang masobra 1 million pesos nga insurance si Arpon kag pwede ini nga maka cash advance sang kapin 400k pesos.
Samtang, ang mga lower ranks naman nga nagkalamatay makabaton man sang kantidad sa ila insurance kag sarang maka advance sang halin 135k tubtub 200k pesos.
Angut sini ang PNP PRO 18 magatukod sang isa ka special investigation task group nga amo ang maga usisa sa natabo nga ambush sa Guihulngan.
Ini ang pagapangunahan ni Deputy Regional Director for Operations P/Supt. Petroneli Baldebrim.
Mangin head naman sang Task Force si Negros Oriental Police Provincial Office Provincial Pirector P/SSupt. Henry Binas kag pagabug-usan sang mga representante halin sa Regional Crime Lab, CIDG NIR, Legal Dept. NIR, Regional Intelligence Unit, Chief Intelligence sang PRO18 kag sang chief of police sang Guihulngan PNP, P/Supt. Carlos Lacuesta.
