Gimando ni President Rodrigo Duterte, nga usa na lamang ka patakaran ang sundon sa tanang local government units kon LGU, sa implementasyon sa General Quarantine, niining nagpadayon nga kampanya sa gobyerno batok sa Covid 19.
Mao kini ang gibutyag ni Mayor Oscar Moreno, dungan sa iyang pag-ingon nga ang mando sa Presidente mi-ipikto niadtong Mayo 1.
Matud ni Moreno, nga ang mando nga gipakana-og sa Malacanyang, basi sa rekomendasyon sa national inter-agency task force kon IATF, pina-agi sa ilang gihimong Omnibus guideline., ning panahon sa global pandemic.
Matud sa mayor, nga nakita sa IATF, nga nagka la-in la-in ang patakaran sa mga LGU, sa ilang pagpatuman sa General quarantine, ug apiktado niini ang paglihok lihok sa general public, lakip ang paghatud sa mga kargamento ngadto sa mga merkado.
Gipasabot sa local Chief Executive, nga lakip sa maong mando, nga dili mahimong usbon sa mga local government officials ang mando ni President Duterte, kon walay panogot gikan sa IATF.
