By: Joanna Ricote
Gipusil patay sa wala mailang mga suspect ang Presidente sa Philippine Association of State University and Colleges ug Presidente sa Mindanao University of Science and Technology nga nahimutang sa Cagayan de Oro.
Ang biktima mao si Dr. Ricardo Rotoras o mas naila sa pangalan nga Dr. Ric, 48 anyos nga taga Golden Glow Village.
Nasayran nga si Dr. Ric, ang gikan sa usa ka party dinhi sa Brgy. Kauswagan ug mi uli kini bandang ala 1 ang takna kaganinang kadlawon kauban ang iyang driver nga naila sa ngalan si Jonathan Kobuntin, nga taga Molugan El Salvador City, Misamis Oriental.
Matud ni Jonathan, nga pag abot nila sa balay ni Dr. Ric, una nga mikanaog si Dr. Ric, apan wala mabantayi nga aduna na diay nag atang kaniya, dayong pusil sa biktima.
Samtang ang driver nga si Jonathan, ang nag backing sa sakyanan ni Dr. Ric, apan dakong kakurat niini nga nakita nga nahagba ang iyang amo, hinungdan nga iya kini gikanaogan aron nga madala sa hospital.
Basi sa imbestigasyon sa kapulisan nga naka-angkon og 8 ka samad pinusilan si Dr. Ric, partikular sa ulo, abaga, kilid sa lawas, sampot nga bahin ug sa iyang tiilan.
Nasayran nga migamit ang mga responsible sa caliber 45 nga armas, samtang na recover sa crime scene ang 6 ka fired cartridge, 2 ka fired bullet ug 2 ka metal fragments.
Nasuta nga gilayat sa parel ang mga suspect dayon nga mi ikyas sa wala matinong direksyon.
