Preso sang Koronadal City lock-up cell nga nagpositibo sa COVID -19 yara na sa 58, 2 ka PNP personnel nagpositibo man.

22

Naglab-ot na sa 58 ka mga preso sang Koronadal City lock-up cell ang nagpositibo sa coronavirus disease ukon COVID-19 base naman sa resulta RT-PCR test sang mga ini.
Halos nakabatyag naman sang mild symptoms ang nagpositibo sa virus nga mga preso kag hugot nga ginamonitor sang City Health Office sang Koronadal ang kondisyon sang mga ini.
Ginseparar naman ang onse ka mga preso nga nagnegatibo sa virus, apang padayon sa gihapon nga ginamonitor.
Samtang, duha naman ka mga PNP personnel sang Koronadal City Police Station ang nagpositibo sa COVID-19 kag nagapadayon ang contact tracing sa mga nakaupod sini.
Sa subong nagapabilin nga ginadumilian ang bisita sa lock -up cell kag ginapatuman ang skeletal force sa pipila ka opisina sang Koronadal City Police Station.

Facebook Comments