Pareho nga gindala sa ospital ang biktima kag suspek matapos nga pareho nakaangkon sang pilas tuga sang pagpamuno sa Purok Bagong Silang, Brgy. Lambayong, Tampakan, South Cotabato alas 6:55 sang aga sang Pebrero 13, 2021.
Ginkilala ang biktima kay Ronald Jayoma BerameJr., 21-anyos, farm laborer kag residente sang Prk. Bagong Silang, Brgy. Lambayong, Tampakan South Cotabato.
Ang suspek ang ginkilala naman kay Rizal Vasquez Diguma, 46-anyos, farm laborer, kag residente sang Prk Bagong Silang, Brgy. Lambayong sa nasambit nga banwa.
Sa imbestigasyon sang Tampakan MPS, ang suspek ang yara sa impluwensya sang makahulubog nga ilimnon kag ang biktima ang yara sa balay sang suspek halin pa sang alas 6:00 sang gab-i sang Pebrero 12, 2021.
Samtang, pagkaaga sang pagkabugtaw sang suspek gilayon niya na lamang nga ginbuno ang biktima sa wala nga parte sang tyan sini, apang ginkuha sang biktima ang kutsilyo sini nga yara sa iya nga hawak kag ginbuno man ang suspek.
Samtang tungod naman sa sobra nga kahulugbon ang motibo sa nasambit nga insidente.
