Indi na posible makapadala sang inmates nga nag-avail sang plea bargaining sa bahin sang Cagayan de Oro ang Provincial Government sang South Cotabato agud nga ipaidalom sa reformation bag-o ibalik sa komunidad tungod sa pormal na nga pagbukas sang Balay Silangan Reformatory Center sa banwa sang Tupi.
May-angot sini, suno kay South Cotabato Governor Reynaldo Tamayo Jr., makakinot na sang gasto padala sa mga inmates sang Provincial Jail sa Cagayan de Oro nga nagagasto ang provincial government sang P35k tubtob P40k kada preso.
Ginpahayag sang gobernador nga LGU Tupi ang incharge sa security, magabutang man sang apat ka personnel ang PDEA, ang provincial government naman ang magabutang sang staff kag makig-memorandum of agreement sa psychiatrist.
Kampanti naman ang opisyal nga kaya nga padalaganon sang provincial government ang Balay Silangan Reformatory Center sa bulig sang tanan nga ahensya sang gobyerno.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
