Pressure sa mga military operations rason matud pa sa pagbuhi sa unom ka CAFGU kagabie.
Kini ang gibutyag ni Major General Felimon T. Santos, Jr. ang Commander sa Eastern Mindanao Command.
Mahinumduman nga niadtong Disyembre 19, 2018 dunay duha ka sundalo ug 13 ka CAFGU sa New Tubigon Patrol base sa Sibagat, Agusan del Sur ang gidagit ug gihostage sa mga teroristang CPP-NPA.
Ang maong mga CAFGU ang gibuhian sa N-P-A mga alas sais kagabie, nailang sila CAA 1 Jurian Gaviola, CAA1 Marson Iligan, CAA1 Bienvinido Lamion, CAA1 Eddie Tindoy ug CAA1 Sanny Malobay ug CAA1 Hermito Iligan.
Gikabutyag nga gi-turn over na usab sa 401st Brigade, 4th ID, Philippine Army sa H8SFC, 3SFBn, SFRA, PA sa Purok 12-A, Poblacion, Sibagat, Agusan del Sur.
Nasayran nga ang maong mga CAFGU nga gipangbuhian sa N-P-A ang hatagan gilayon og panahon nga maka estorya ang ilang tagsa tagsa ka pamilya ug ipa ubos sa medical check-up ug debriefing.
