CAUAYAN CITY — PATULOY NA PINANGANGASIWAAN NG DEPARTMENT OF TRADE AND INDUSTRY (DTI) REGION 2 ANG MAHIGPIT NA MONITORING SA PRESYO NG MGA PANGUNAHING BILIHIN AT MGA PRODUKTONG PANG-NOCHE BUENA SA PAGLAPIT NG KAPASKUHAN.
AYON KAY ATTY. ANGIE GUMARU, HEPE NG CONSUMER WELFARE DIVISION NG DTI REGION 2, KABILANG SA MGA PRODUKTONG TUTUTUKAN AY ANG DE-LATA, PROCESSED MEAT, KAPE, SABONG PANLABA, KANDILA, BOTTLED WATER, AT INSTANT NOODLES.
KASALUKUYAN UMANONG NASA ILALIM NG PRICE FREEZE ANG MGA NATURANG PRODUKTO, KAYA’T HINDI DAPAT MAGKAROON NG ANUMANG PAGBABAGO SA KANILANG PRESYO.
DAGDAG PA NI GUMARU, WALA PANG INAASAHANG MALAKING PAGTAAS SA PRESYO NG MGA NOCHE BUENA ITEMS, NGUNIT HINIHINTAY PA RIN NG AHENSYA ANG OPISYAL NA GUIDELINES UKOL SA MGA PRODUKTONG ITO.
KASABAY NITO, NAGPAPATULOY RIN ANG INSPEKSYON NG DTI REGION 2 SA MGA CHRISTMAS DECOR AT PAPUTOK UPANG MATIYAK NA SUMUSUNOD ANG MGA NAGBEBENTA SA PHILIPPINE STANDARD (PS) MARK AT NA LIGTAS GAMITIN NG PUBLIKO ANG MGA PANINDANG PRODUKTO.
BABALA NAMAN NG DTI, SASAMPAHAN NG KAUKULANG KASO ANG MGA ESTABLISIMYENTO O MANUFACTURER NA MAHUHULING LABAG SA PRICE FREEZE O MAGTATAAS NG PRESYO NANG WALANG AWTORISASYON MULA SA AHENSYA.
