CAUAYAN CITY – NAG-UWI NG KARANGALAN ANG ISANG 17 TAONG GULANG NA MATHEMATICIAN MULA SA BRGY. TANZA, TUGUEGARAO CITY, CAGAYAN SA NAGANAP NA THAILAND INTERNATIONAL OLYMPIAD (TIMO) 2025 SA BANGKOK, THAILAND.
KINILALA ANG PROUD CAGAYANO NA SI ISHIE MAURICE BALLAD NARAG, GRADE 12 STUDENT SA CAGAYAN NATIONAL HIGH SCHOOL.
SA NABANGGIT NA KOMPETISYON, NAKAMIT NIYA ANG GINTONG MEDALYA SA TIMO-HEAT ROUND 2025.
MALIBAN SA GINTONG MEDALYA SA TIMO 2025, UNA NA RIN SIYANG SUMABAK SA HONG KONG INTERNATIONAL MATH OLYMPIAD (HKIMO) 2025 NITO LAMANG BUWAN NG AGOSTO AT NAKAPAG-UWI NG SILVER MEDAL SA HEAT ROUND AT GOLD MEDAL SA FINAL ROUND.
AYON KAY NARAG, SINABI NITO NA TINURUAN SIYA NG MATHEMATICS NA LAHAT NG PROBLEMA AY MAY SOLUSYON, NGUNIT KAILANGAN LAMANG NG
PAGSISIKAP AT ORAS PARA MAHANAP ITO.
SINABI RIN NITO SA KAPWA NIYA KABATAAN NA HUWAG KATAKUTAN ANG MATHEMATICS SA HALIP AY ARALIN ITO AT MATUTUNANG MAGKAROON NG KUMPYANSA SA SARILI HABANG NASA PROSESO.
SAMANTALA, KASALUKUYAN NA NITONG PINAGHAHANDAAN ANG SUSUNOD NIYANG LABAN SA TIMO FINALS 2026 NA MAGAGANAP SA IMPACT MUANG THONG THANI, BANGKOK, THAILAND.
