Iligan City- Sukwahi sa presyo sa bugas nga pabiling stable nga mapalit dinhi sa dakbayan sa Iligan padayon nga misaka ang presyo sa mapalit nga mga isda sa kamerkaduhan.
Kini mao’y gibutyag ni City Agriculturist Octavios Molo subay gihapon sa ilang gihimong pag-monitor sa mga presyo sa kamerkaduhan karong bag-o lang.
Matud ni Molo nga gumikan sa nasinating mga bagyo niadtung nakalabay’ng bulan sa Disyembre sa miaging tuig ang hinungdan kun nganong misaka ang presyo sa mga mapalit nga isda.
Butang kini sumala pa ni Molo nga padayon nga gisagubang karon sa mga negosyante tungod hangtud karon wala pa sila naka-recover sa ka mahal sa ilang pagpangompra sa ilang baligya nga mga isda.
