Mipatong sa P41.95 matag kilo ang bag-ong presyo sa Copra sa probinsya Bukidnon.
Kini basi sa listahan sa bag-ong mga presyo matag kilo sa palit sa Copra sa tibook rehiyon-X nga gipagawas sa Philippine Coconut Authority (PCA)-X adtong mialabayng adlaw.
Nakitaan kinig pagsaka gikan sa P39.20 sa milabayng semana. Gikalipay og dako kining maong pagsaka ilabi na sa mga nanag-iyag luag nga koprahan diri sa probinsya sa Bukidnon.
Misaka usab ang presyo sa probinsya sa Camiguin gikan sa P39.00 sa milabayng semana ngadto sa P42.00 karong semanaha. Anaa usab sa P42.65 ang matag kilo sa probinsya sa Lanao Del Norte, P42.60 sa Misamis Occidental ug P42.55 sa Misamis Oriental.
Facebook Comments
