Koronadal City— Aksyonan sa Department of Trade and Industry South Cotabato ang gikaingong mga presyo sa noche buena products nga matud pa lampas sa gikatakda lamang nga Suggested Retail Price (SRP).
Unang nasayran nga mas taas sa gitakda nga suggested retail price ang ginabaligya nga mga notche buena products sa mga major trading center sa syudad sa Koronadal, kini subay na usab sa latest monitoring nga gihimo. Kini ang gibutyag ni Department of Trade and Industry (DTI) OIC Provincial Director Rictoniel Reginio.
Sumala niini kapin piso ngadto na sa P11.00 ang subra sa SRP sa pipila ka mga notchebuena products sama na lamang sa pasta. Kalabutan niini, gibutyag ni Reginio nga ilang padad-an ug letter of inquiry ang maong mga establishemento aron pangayuan ug eksplenasyon ug maghatag ug pamatuod sa paglampas sa SRP sa ginabaligya nga notche buena products. Higayon nga mapakyas ang mga nasangpit, sa paghatag ug pamatuod, mag-isyu ang ahensya ug notice of violation sa maong mga establishemento. Samtang, gikumpirma usab sa opisyal nga adunay igong supply sa notche buena products ang probinsya karong holiday season.
