Nagmahal pa gid ang presyo sa subong sang shabu sa South Cotabato base sa presentasyon sang pamunuan sang Philippine Drug Enforcement Agency ukon Pdea 12 sa ginpatigayon nga joint PPOC PADAC kag PDRRMC meeting sang tinalikdan nga adlaw.
Sa datos sang PDEA 12 nagalab-ot sa P7,000.00 ang isa ka gramo sang shabu nga halin sa Kabacan kag ginabagsak dire sa syudad sang Koronadal kag sa ulihi nga operasyon nila sa banwa sang Banga nagalab-ot naman sa P9,000.00 ang isa ka gramo.
Samtang ang presyon naman sang marijuana ang wala sang pagbag-o suno sa Pdea 12 nga nagalab-ot sa P50.00 -P100.00 ang isa ka gramo kag ang source ang halin sa Kiblawan area.
Nagapabilin naman nga shabu kag marijuana ang mademand nga klase sang droga sa South Cotabato kag bug-os nga rehiyon dose.
