Gituki sa ika-27 Sangguniang Panlalawigan (SP) ang mga nag-unang mulo ug isyu sa gihimong preventive maintenance project (reblocking and asphalting) sa dalan sa Mangima, Manolo Fortich, Bukidnon, atol sa gipahigayon nga ika-43 nga regular session sa SP, adtong Martes, Hunyo 6, 2023 sa SP Session Hall, Malaybalay City, Bukidnon, pinagulohan ni presiding officer og acting Vice-Governor Rodrigo P. Rosal.
Bisita sa maong tigum si Engr. Ismael R. Alajid, hepe sa Construction Section sa DPWH-Bukidnon 3rd Engineering Office, kinsa nagbutyag nga ang overlaying project nabahin sa duha ka project, diin ang 1st project nagkantidad sa kapin P35-milyon, samtang ang 2nd project nga augmentation nagkantidad sa kapin P32-milyon. Nasayran nga as of June 1, 2023, anaa na sa 11.57% ang actual accomplishment sa 1st project, samtang ang 2nd project anaa na sa 45.39% ang actual accomplishment.
Gipakisayod ni Engr. Alajid nga ang maong mga proyekto nasugdan niadtong Abril 17, 2023 ug gilauman nga matapos sa Agosto 06, 2023 (1st project) ug Hulyo 31, 2023 (2nd project), kung walay mga kakulian sa panahon.
Facebook Comments
