Mikortesiya ngadto kang Manolo Fortich Mayor Rogelio N. QuiƱo ang Regional Nutrition Evaluation Team (RNET) kagahapong adlawa, Hunyo 8, 2023 atol sa ilang pagpahigayon og evaluation alang kang Municipal Nutritionist Alyanna Faith Caballero nga mulungtad karong adlawa.
Laraw sa evaluation nga mahibal-an og kinsa sa mga nutritionist sa rehiyon ang angayang maila nga Regional Outstanding City/Municipal Nutrition Action Officer.
Si Caballero ang giila nga Provincial Outstanding Nutrition Officer sa Bukidnon.
Sumala ni Nutrition Officer Sheena Marie Tale-Abellanosa sa National Nutrition Council nga pagkahuman sa maong ebalwasyon, mahibaloan kung kinsa ang angayan nga hatagan sa titulo nga Outstanding City/Municipal Nutrition Action Officer sa Rehiyon-X.
Facebook Comments
