![rmn-edited-21](https://i0.wp.com/rmn.ph/wp-content/uploads/2017/09/rmn-edited-21.jpg?resize=457%2C240&ssl=1)
General Santos City—Dili pabor ang school head sa Bula School of fisheries nga si Bonifacio Fiesas ugaling tanggalon ang Parents Teacher Association (PTA) sa matag eskwelahan sa tibuok Pilipinas.
Sumala pa niini nga ang PTA ang dako nga tabang alang sa mga eskwelahan ug mga kabataan hilabi na sa ilahang edukasyon, tungod kay pinaagi matud pa niini makatuon ang mga bata dili lang sulod sa eskwelahan lakip na usab sa panimalay pinaagi sa ilahang ginikanan ug sa komunidad.
Dugang pa niini nga kung sa koleksyon usab sa kwarta nga ginagunitan sa mga opisyal sa PTA gikinahanglan lang matud pa transparent ang tanang transaction ug kung mamahimo matag adlaw may gastuhan ang usa ka eskwelahan nga sa PTA kuhaon ang budget gikinahanglan nga ma audit gayud kini ug mapakita sa tanang nga ginikanan pinaagi sa usa ka PTA meeting.
Dugang pa niini nga adunay daku nga budget ang Dep-ed alang sa mga tunghaan apan sa kadaghan matud pa sa gamitanan sa budget dili malikayan nga dili tanan mahatag. (Dave Silagan)