BACOLOD CITY – Priso ginbuno sang iya kaupod man nga priso kagab-i sa sulod mismo sang Bacolod City District Jail sa Barangay Taculing diri sa ciudad sang Bacolod.
Nakilala ang inmate nga amo si Jonathan Wison, 33 anyos ang edad, pumuluyo sang Brgy. Handumanan, Bacolod City, samtang, wala naman nakilala ang suspek nga isa man ka priso.
Suno sa imbestigasyon, ang insidente natabo may mg alas 9:45 kagab-i (September 16) kon diin ang biktima kag ang suspek ang nagahimo sang parol sa sulod mismo sang BJMP.
Apang, ginpahayag sang biktima nga ini sila ang nagsuyaay sang suspek kag hinali na lamang ini nga ginbuno gami ang barbecue stick ukon inasalan.
Naigo sa iya wala nga abaga ang biktima gani dali-dali ini gindala sa Corazon Locsin Montelibano Memorial Regional Hospital.
