Priso nakapalagyo sa karsel gamit ang BBQ stick sa pag abri sang kandado sang selda

24

PRISO NAKAPALAGYO sa karsel aga sang Enero 17 sang Police Station 9 kag padayon pa nga ginapangita sang kapulisan.

Ginkilala ang amo nga priso kay Gabriel Liboon, 29 anyos sang Prk. Nami Nami 1, Brgy. Sum-ag syudad sang Bacolod. Ini ang may kaso angut sa iligal nga druga.


Si Liboon ang nakapalagyo paagi sa pag-abri sang padlock sang karsel gamit ang BBQ stick nga wala naman matalupangdan sang duty jailer nga si PSSG Josie Miguel Rogacion bangud ini ang nagbakal sang sud-an sa merkado kag sa iya pagbalik wala na sa karsel si Liboon.

Sa interview sang RMN kay Police Lt. Jonito Pastrana, hepe sang Police Station 9, posible nga may yara sang gingamit nga bagay si Liboon kag indi BBQ stick para ma abrihan ang padlock.

Dugang pa ni Pastrana nga may yara na sila sang ginahimo nga tikang ukon negosasyon sa suspek para matigayon na ang pagbalik ukon pagsurender ni Liboon.

Facebook Comments