Giataki sa sakit sa kasing-kasing ang usa ka binilanggo sa Butuan City Jail ug maoy hinungdan sa iyang kamatayon.
Ang biktima naila nga si Bernol Malinao, 39 anyos, residenti sa Mangga Road, Brgy. JP Rizal ning dakbayan sa Butuan ug usa ka inmate sa Butuan City Jail.
Nasayran nga daling gidala sa Butuan Doctors Hospital ang biktima sa dihang giataki kini sa Cardio Pulmonary Arrest bandang alas 8:45 ang takna kagabie, apan gideklara kining patay pinaagi ni Dr. Rafael Sy ang attending physician.
Si Malinao ang daan nang gipailalum sa dialysis samtang naka-detain sa City Jail apan niabot sa punto nga nagka-complicate ang sakit hinungdan sa ataki sa kasing kasing.
Wala gikabutyag sa police blotter kung unsa ang kaso nga gikalambigitan sa namatay’ng binilanggo.
Sa karon ang patay’ng lawas gipahiluna sa pamilya sa biktima (withr reports archer capadeso/ivy falcone).
[image: BUTUAN-CITY-JAIL.jpg]
