Arestado ang prison guard sang South Cotabato Rehabilitation and Detention Center sa ginpatigayon nga buy-bust operation sang Koronadal City Police Station City Police Drug Enforcement Unit (CPDEU) sa Block 1, Purok Callejo, Brgy. General Paulino Santos (Bo.1), Koronadal City, alas 5:00 sang hapon, kahapon nga adlaw, Agosto 5, 2021.
Ginkilala ang ssuspek kay Annie Grace Dizon Langga Alias “Grace” (High Value Individual HVI), 43-anyos kag residente sang Doña Lourdes, Brgy. Zone 2, Koronadal City.
Nakuha sa operasyon ang 1 ka small heat sealed transparent plastic sachet nga may unod nga ginasuspetsahan shabu bilang poseur item, may kabug-aton nga more or less 0.07 gram nga nagakantidad sang P500.00, kag P500.00 bilang marked money.
Ang nakuha nga ginapatihan shabu ang ginsubmitir sa South Cotabato Provincial Crime Laboratory Office para sa qualitative kag quantitative examination.
Kaso naman nga pagbayolar sa Article II, Section 5 sang RA 9165 ang ipasaka batok sa suspek.
