Alang sa mga ginagmayng negosyante ug tubig dako kaayo nga opportunity nga makahalin og dako dako basta Fiesta Señor. Di gyud nila ikalimod nga ang halin mas dako tungod sa halos inoras nga misa.
Mao pud ni ang ingon sa mga nanindahay og bingka ug buwak palibot sa maong simbahan. Bisan bangko ug gamayng lamesa lang ang ilang puhonan plus ang ilang baligya sigurado nga makahalin gyud kuno og dako dako tungod sa kapistahan. Inubanan pa og maayong PR sa ilang customer ug kakugi sigurado nga abunda gyud ilang panudlanan.
Apan gipahinumduman ang tanan sa Cebu City Government labi na sa Waste Management Department nga manghinaot sila nga mas responsable unta ang tanan sa paglabay sa ilang basura palibot sa basilica o sa bisan asang bahin sa siyudad. Di lang sa mga naninda apil napud sa mga mobisita sa basilica.
Para sa mas prosperous nga negosyo ug sa pabiling limpyo nga simbahan sa Sto. Niño, magkahiusa ta! Viva Pit Señor!
Ikaw, idol, unsa may imong paboritong kaunon human simba sa Sto. Niño? Comment daw idol beh.
