Hinumduman kanunay sa atoang mga deboto ni Sr. Sto. Niño nga ang entrance points alang sa gustong mosimba sa mga novena gikan alas 4 sa buntag hangtod na sa ika 11 nga misa sa alas 7 sa gabii nga naay 3 ka entrance points padung sa basilica.
D. JAKOSALEM STREET (DUOL SA CHINABANK)
Mao ni ang dan luyo mismo sa basilica kung asa naay daghang mga namaligyaay og imahe ni Sr. Sto. Niño.
P. BURGOS STREET (DUOL SA MAY ISLAND SOUVENIR)
Mao ni ang dan duol sa may pilgrim ug ang landmark mao lang gyud ang Island Souvenir nga tindahan o ang BPI.
MAGELLAN’S CROSS
Sa ordinaryong adlaw entrance ug exit ni padung sa basilica apan karon sa kapistahan entrance point rani padung mismo sa basilica o pilgrim.
Sa atoang pakighinabi ni Sir Jeshwie Cabreba, usa sa mga personnel sa Cebu City Traffic Office o mas nailado mga CITOM, nga ang lutsanan gikan Legaspi Street (kaning dan kilid sa Cebu Metropolitan Cathedral) kay gihimong puro exit points. Sa mga maggikan dinhing dapita molahus lang sila sa Plaridel Extension.
Kudos sa tanang mga traffic enforcers nga migahin sa ilang oras para sa hapsay nga dagan sa crowd sa basilica. Apil napud sa mga kapulisan gikan sa PNP Bohol nga mitabang pud pagmintinar sa kahapsay sa maong lugar. Suma pa ni Sir Cabrera nga naay mga pulis sa Bohol nga nakauban pud niya sa pagbantay sa basilica nga exit point.
Ikaw idol, nakabisita naka sa Basilica Minore del Sto. Niño alang sa pagsimba sa novena?
