Samtang nagbuhat ko ani nga pahinumdom nagsakay ko og 14D nga jeep padung sa downtown area sa Cebu City. Apson nako ang misa sa ala 1 sa hapon alang sa labing unang adlaw sa nobenaryo kang Sr. Sto. Niño.
Ug tungod niana, aniay pipila ka mga importanteng pahinumdoman kung mosalmot sa misa. Pipila lang hinuon ni sa akoang mahatag mga idol.
1. PAGDALA OG TUBIG
Hydrate yourself sa di pa moadto sa simbahan. Ug mas nindot gyud nga magdala og tubig o ba kaha mamalit og tubig para nga dili ma-dehydrate ug sapoton o molabad ang ulo samtang gamisa.
2. FOCUS SAMTANG NAA SA MISA
Importante kaayo nga motuhop sa atoang hunahuna ug kasingkasing ang mga pagtulon-an nga atoang mapupo sa matag misa. Dili magsige og gamit sa selpon o makigtabi sa kauban.
3. BANTAYE ANG PITAKA O UBAN PANG BELONGINGS
Mismo ang kadagkoan sa Basilica Minore Del Sto. Niño mipahimangno nato nga magbinantayon kanunay. E secure ang pitaka, selpon ug uban pang gamit.
4. OBSERVE CLEANLINESS
Di magpataka og labay sa basura. Tabangan nato og amping ang basilica para sa mas limpyo nga palibot.
5. OBSERVE TRAFFIC SA ENTRANCE UG EXIT
Atoang sundon ang mga patakaran sa simbahan kung asa ug kanus-a dapat mogawas o sulod sa maong basilica para sa mas hapsay nga traffic sa crowd. Dili ta magpabadlong. Palihug mosunod ta niining ginagmay nga pahinumdom.
6. BANTAYE ANG MGA BATA
Kung naay dala nga bata mas doble ang pagbantay kay tungod sa kadaghang tawo basin og mawala sila o masaag. Kung naay ate o kuya o yaya nga pwedeng mobantay mas maayo.
Pipila lang ni ka pahinumdom mga idol apan hinaot makatabang alang sa inyong mas meaningful ng pagtambong sa matag misa. Ug mas hussle-free pud.
Unsa man mo orasa tigsimba mga idol? Kinsa man say imong kauban inig tambong sa novena mass? Bahalag ikaw ra basta simba lang gyud idol ha.
Kanta ta! Pit Señor sa mga single kini. Pit Señor!!!
