Daghan kaayo og makalingaw nga talan-awon sa Basilica Minore del Sto. Niño atol sa Fiesta Señor. Ang mga colofrul nga banderitas sa may pilgrim. Apil na ang mga panapton nga naay combination sa kolor nga red and yellow.
Makalingaw pud tan-awon ang mga payong ug ang panon sa mga tao labi na inig kaway-kaway sa mga kamot panahon sa pagkanta sa Gozos (Batobalani Sa Gugma).
Di man unique sa akoang panan-aw tungod kay sa pila napud ka Fiesta Señor nga akoang nasaksihan kadaghan napud ko kita og mga bata nga e dress up isip Sto. Niño. Apan karong adlawa, Enero 11, atol sa 1 sa hapon nga novena mass nalingaw kaayo ko sa kalihok ug ka-mapahiyomon aning bataa kauban ang usa ka lalaki ug babaye (nga iya gurong mga ginikanan).
Sa pagkanta sa Gozos kay nagkaway-kaway pud siya sa iyang mga gagmayng kamot ug bukton. Nakakuha pud ko og hulagway nga gikugos ang maong young boy sa iyang papa.
Ikaw idol, kita napud ka og “live” Sr. Sto. Niño o kanang bata nga sininaan isip Niño bah? Comment lang idol.
