General Santos City- Samdan ang usa ka private army human gilabay ug bato sa mga wa pa nailhing suspek sa may OD, barangay Lagao niining dakbayan.
Biktima giilang si Mark Gil Occeña, 27 anyos ug lumulupyo sa nasampit nga lugar.
Matud pa sa inahan sa biktima nga bandang alas 3:00 sa kabuntagon kaganina samtang nagbaklay pauli ang biktima gikan sa balay sa iyahang magulang sa kalit nga gilabay siyag mga bato sa mga suspetsado ug nakaangkon ug mga samad particular sa iyahang wala nga nawong ilalom sa mata. Gilayong nanagan ang mga suspek busa wa kini mailhi sa biktima.
Kasamtangang ginatambalan si Occeña sa Dr. Jorge Royeca Hospital niining dakbayan samtang padayon ang pag imbestiga sa kapulisan kalabutan sa maong panghitabo. (Joan Gubalani -GSA Intern)
