Private events sa Brgy. walay labot sa banned gov’t activities

Davao City – Giklaro ni Davao City Mayor Sara Duterte-Carpio nga kadto lamang mga aktibidad nga gina-organisa sa gobyerno (barangay, local ug national government offices lakip na sa government-owned ug controlled corporation) ang gidili ilawom sa Executive Order (E.O.) No. 69 Series of 2021 sa City Government of Davao.

Gitataw ni Mayor Sara (sa interbyu sa city-owned radio), walay labot sa maong direktiba ang mga aktibidad sa asosasyon o organisasyon sa barangay sama pananglit sa Gagmay’ng Kristohanong Katilingban (GKK) meeting, senior citizens meeting ug bisan ang family events, ug uban pang pribadong aktibidad.

“Ang covered lang aning atong Executive Order No. 69 is kadtong mga event nga ang gobyerno ang mag-organize, ang gobyerno ang magpadagan, magpahigayon sa event, ug ang gobyerno ang magmugna sa event,” sulti sa mayor.

Nasayrang gi-extend ang naasoy nga EO hangtud December 28, 2022 diin usa sa rason niini mao ang paglikay sa mass gatherings ilabina nga misi-aw karon ang nagkalain-laing variants sa COVID-19 sama sa Delta ug Omicron.

RadyoMaN Kirby Manzon