Mayor Sara: Post holiday surge gipangandaman na

28
Davao City – Gipangandaman na sa City Government of Davao ang posibilidad sa pagbaton og surge sa Coronavirus Disease 2019 (COVID-19) cases resulta sa holiday gatherings.

Gikanayon ni Davao City Mayor Sara Duterte-Carpio (sa interbyu sa city-owned radio), posibleng sa ikatulo o ikaupat nga semana karong Enero lauman ang pagsutoy sa kaso base sa duha (2) ka incubation period gikan sa Disyembre 24, 2021.

“Naga-plateau ang atong (COVID-19) cases. Wala na siya nagababa, wala pud siya nagataas, and continuing ang atong preparation for the upcoming surge nato diri sa atong syudad sa Davao which will come probably third week or fourth week of January,” matud sa alkalde.

Sumala ni Mayor Sara nga ginaandam na karon sa Local Government Unit (LGU) Davao ang COVID-19 Cluster Clinic (CCC). Nagpahigayon na usab karon og reinventory sa Temporary Treatment and Monitoring Facilities (TTMFs) kung unsa ang mga angay i-reactivate.

Samtang, hitsas na usab ang koordinasyon sa LGU sa mga pribadong ospital sa dakbayan sa pagpangandam niadtong COVID-19 patients nga manginahanglan og medikal nga atensyon.

Kini gawas pa sa mga estratehiya nga Prevention, Detection, Isolation, Treatment, and Reintegration (PDITR) batok COVID-19 cases.



RadyoMaN Kirby Manzon

Facebook Comments