600 unvaccinated Davao City Gov’t employees dili prayoridad sa hiring karong 2022

Davao City – Mokabat sa 600 ka mga empleyado sa City Government of Davao ang dili mamahimong prayoridad sa hiring karong tuiga, 2022 gumikan sa wala pagpabakuna batok Coronavirus Disease 2019 (COVID-19).

Gibutyag ni Davao City Mayor Sara Duterte-Carpio (sa interbyu sa city-owned radio), kapin 18,000 na ka trabahante sa lokal nga gobyerno ang bakunado, apan anaa pa sa 600 ka indibidwal ang wala midisesyon nga magpabakuna luyo sa gihimong counseling sa nahisgutan.

Gibutyag ni Mayor Sara, pipila ka slots sa trabaho ang maadto sa contact tracers ilawom sa Department of Interior and Local Government (DILG) nga wala pay pinal nga desisyon kung sila ma-renew sa trabaho.

“As of today (January 3, 2021), ang atoang City Government employees vaccination is 18,607 and then we have approximately 600 personnel na wala sila mag-opt nga magpabakuna. Kining 600, they will not be prioritized for hiring. Some slots will go to DILG contact tracers,” sulti sa mayor.

Kahinumduman nga niadtong September 15, 2021 sa dihang gilagdaan ni Duterte-Carpio ang Executive Order (E.O.) No. 45 Series of 2021 o “An Order Mandating The Vaccination Of All City Government of Davao Plantilla, Job Order, Contract of Service, and Volunteers For COVID-19 and Stipulating Sanctions For The Refusal of Such”.

RadyoMaN Kirby Manzon

Facebook Comments