Gimandoan ni Police Regional Office o PRO 10 Director, Brigadier General Rolando Anduyan ang tanan niyang mga provincial ug city director sa Region 10 nga hugtan ang pagbantay sa mga terrorista sa ilang posibling Sympathy Attack sa War conflict sa US ug Iran.
Matud ni PRO 10 Spokesperson Police Col. Mardy Hortillosa nga nabalaka si Anduyan sa posibling pangataki sa mga terorista silbing ilang simpatiya pabor sa Iran.
Gibutyag ni Hortillosa nga lakip sa mando ni Anduyan sa iyang mga police key officials nga kinahanglan ilang ipalig-on ang ilang intelligence gatherings ug ilang sundan ang mga tunob sa mga grupo nga kaaway sa gobyerno.
Gipasabot ni Hortillosa nga gipa-profile ni Anduyan sa iyang mga police officials ang ang mga grupo nga kaaway sa gobyerno aron mapugngan ang ilang daotang plano batok sa mga sibilyan dinhi sa Northern Mindanao samtang naa na ang tension sa Middle east.
