Davao City – Admitado karon ang Police Regional Office kun PRO 12 nga nalutsan na usab sila sa mga dautang elemento kinsa nagsabwag og kasamok sa Isulan Sultan Kudarat human nahitabo ang ikaduhang pagpamomba sa maong lugar kagabii nga gikamatay sa usa ka tawo ug kapin pulo ang samaran.
Kini ang giingon ni PRO 12 Regional Director PCSUPT Eliseo Tam Rasco sa pakighinabi sa RMN Koronadal atol sa programang Straight to the Point sa DXDC 621 RMN Davao.
“Yun nga ang malungkot na pangyayari kahit grabe na ang security forces, imagine mayroong additional na company from RMFB and AFP, nalusutan pa rin tayo” segun sa regional director.
Sa karon, ginasuta pa sa kapulisan sa rehiyon 12 og konektado ba sa unang pagpamomba sa Isulan ang nahitabo kagabii sa maong lugar diin unang giingon sa 6th ID Philippine Army na gituohang grupo sa Bangsamoro Islamic Freedom Fighters kun BIFF ang responsable sa maong mga panghitabo.
“Merong tinitingnan na grupo, mahirap naman magsalita agad”, dugang ni Rasco.
Gibutyag usab ni Rasco nga i-relib na sugod karong adlawa ang Chief of Police sa Isulan gumikan sa command responsibility.
RadyoMaN Renz Barbarona
