Gipaniguro karon ni Police Lieutenant Colonel Aldrin Gonzales ang tigpamaba sa Police Regional Office 12 nga kanunay anaa ang kapulisan aron nga muhatag ug proteksyon sa mga media practitioner sa rehiyon aron luwas nilang mahimo ang ilang trabaho.
Dungan niini giawhag ni Police Lt. Col. Gonzales ang mga miyembro sa media nga ugalingmakadawat ug bahad sa kinabuhi dili na angayang mag duha-duha pa nga moreport sa kapulisan aron nga gilayon nila nga mahatagan ug aksyon ingon man ilahang maimbistigahan aron nga masikop ang mga nagapanghulga.
Dugang pa niini nga gikinahanglan gayud nga kanunay nga mag amping ang mga media practitioner tungod kay daw susama lang usab kini ug trabaho sa usa ka pulis ug dili mabal-an kung kinsa ang mamahimong kalaban tungod kay dili gayud malikayan nga adunay mga tao nga dili maka uyon sa mga issue nga ginasibya sa kahanginan.
Samtang gipaniguro usab niini nga tutukan gayud sa kapulisan ang ulahing nahitabong pag pamusil patay sa usa ka anchorman sa radyo sa Kidaapawan City kung asa gipusil kini sa wala mailhing mga suspect.(Dave Silagan)
