General Santos City–Hugot nga gikondina sa Tri-Media Association sa SOCKSARGEN ang mga nahitabong pagpangharass sa mga miyembro sa media hilabi na ang pagpusil patay sa usa ka news Anchor sa Brigada News FM sa Kidapawan City niadtong nakalabayng gabie.
Sumala pa ni Mario Basilio ang presidente sa tri-media association-SOCKSARGEN nga dili kini maayo nga panghitabo ug klaro matud pa nga usa kini ka matang sa harassment sa han-ay sa media.
Dawsa gipugngan matud pa sa mga nagpaluyo niini ang mga anaa sa Media Industry nga himuon ang ilang trabaho isip tighatod ug impormasyon sa katawhan hinungdan nga gikinahanglan matud pa kini nga matutukan sa mga otoridad.
Giawhag ni Basilio ang mga miyembro sa media nga aron nga dili mabutang sa alanganin ang ilang kinabuhi gikinahanglan nga mag balita lang basi sa kamatuoran ug dili na dugang dugangan, kay kasagaran matud pa sa mga madisgrasya nga mga media practitioner mao ang mga nagtuki ug subra ka sensitibo nga mga isyu.(Dave Silagan)
