General Santos City— Gipaniguro sa Police Regional Office 12 nga nagpabiling kontrolado ang siguridad sa rehiyon 12. Kini ang gibutyag ni Police Chief Inspector Aldrin Gonzales, tigpamaba sa PRO 12.
Sumala niya nga walay angayang kabalak-an human ang nahitabong pagbusikad sa probinsya sa Sultan Kudarat kung asa padayon ang intel monitoring sa kapulisan kaabag ang uban pang Law Enforcement Unit.
Pag-angkon niya nga kanunay man ang anaa ang mga bahad sa siguridad apan iyahang gipaniguyro nga nagpabiling alerto ang otoridad. Nanawagan man usab si PCI Gonzales ngadto sa katawhan nga dili gilayong magtuo sa mga impormasyon nga madawat inay kini ang ihatag sa otoridad.
Aron nga ilahang ma-aksyunan ug ma-verify ang unsa mang impormasyon nga ilahang madawat gikan sa kumyunidad. Paniguro niini nga kanunay man nga ana ang kapulisan ingon man ang militar ug uban pang law enforcement unit nga nagabantay sa siguridad.
Pamahayag niini nga sa karon, gawas sa mga lokal nga teroristang daan ng ania sa rehiyon nga padayon nilang gina-monitor, wala nay lain pang grupo ang nakasulod.
