General Santos City–Gipasalig karon ni Police Lieutenant Colonel Lino Capillan ang tigpamaba sa Police Regional Office 12 nga ginahimo sa kapulisan ang tanan aron nga masulbad ang mga kaso sa pagpamusil sa Rehiyon 12.
Pamatuod matud pa niini ang mando si Police Brigadier General Alfred Corpus ang Regional Director sa Police Regional Office 12 sa tanang City ug Provincial Directors sa Pro 12 nga palawman ang ilahang imbistigasyon sa mga kaso sa pagpamusil sa ilahang area of responsibility aron nga mahatagan ug hustisya ang mga biktima.
Gi-angkon usab niini nga bisan unsa pa ka hugot ang siguridad nga ginapatuman sa kapulisan malutsan ug malutsan gihapon sila ug dautang elemento apan ang PNP ang naga-paningkamot nga masikop ang mga suspect. (Dave Silagan)
