General Santos City– Hugot nga gikondina sa Police Regional Office 12 ang mga pagpamusil-patay sa mga pulis nga sakop sa rehiyon 12.
Sumala kang Police Superintendent Romeo Galgo Jr. ang tigpamaba sa PRO 12 nga ilahang gikasubo nga bisan ang mga pulis ang biktima na usab sa mga kriminal.
Nangayo man usab ug tabang si Superintendent Galgo ngadto sa katawhan nga adunay kasayuran sa ilhanan sa mga suspek nga responsable sa pagpusil-patay kang Police Senior Inspector Hernan Gabat, Ang Deputy Chief Of Police Sa Polomolok Municipal Police Station nga makig-alayo sa ginahimong imbestigasyon aron nga mahatagan kini ug hustisya.
Kahibaluan nga si PSI Gabat na ang ikaduhang pulis nga gipusil-patay karong bulan sa setyembre sa rehiyon human ni PO3 Clark Bachoco nga Chief Intel sa Police Station 5 ning dakbayan sa Gensan.
