Ginbuyagyag sang Police Regional Office 6 nga may bag-o nga Drug Group Leaders sa Iloilo kasunod sang kamatayon sang mga kilala nga Drug Lord sa Western Visayas nga sanday Melvin Odicta kag Richard Prevendido.
Ginhingadlan ang mga ini ni PRO-6 Deputy Regional Director for Operation s ukon DRDO Police Sr. Supt. Jesus Cambay nga amo sanday Ernesto “Erning” Bolivar kag Federico Balume alyas Master Pedik.
Si Bolivar ang tumandok sang banwa sang Pototan samtang Si Balume naman ang taga- banwa sang Sara, Iloilo.
Ang mga ini ang anay sub-group leaders sang Prevendido drug group apang karon ginakilala na nga mga Drug Group Leaders sa siyudad kag probinsya sang Iloilo.
Ini sila ang target naman sang mga pulis kasunod sang napatay nga si Richard Prevendido. (sspunay)
