Wala sa gihapon untat ang baligya-anay sang illegal nga druga sa siyudad sang Iloilo sa pihak sang hugot nga kampanya sang mga pulis kontra druga nga programa sang karon nga Administrasyon.
Ini matapos isa naman ka durugista ang nadakpan sa buy bust operation sa City proper kagab-i.
Ginkilala ang subject nga si Gilbert Sumodevilla, 32 anyos sang barangay Rizal Pala-pala Dos sa City Proper.
Ginhiwat sang mga otoridad ang buy bust operation kon sa diin nabaklan ang subject sang isa ka sachet sang suspected shabu sa balor nga 500 pesos.
Nakuha sa posisyon sini ang apat tanan ka sachet sang suspected shabu kag ang buy bust money nga 500 pesos.
Sa karon, preso na sa Police Precinct number 1 si Sumodevilla kag pasakaan sang kaso nga paglapas sa R.A 9165. (sspunay)
