Duna nay giila nga suspek ang Special Investigation Task Group sa pag-ambush sa sakyanan ni San Fernando Mayor Lakambini Reluya niadtong Enero 22.
Apan si Police Regional Office -7 Director , Chief Supt. Debold Sinas namahayag nga sa pagkakaron dili lang una nila itug-an sa publiko ang ngan sa suspek samtang wa pa nila mapahibawo si Mayor Reluya labot niini .
Matud ni Sinas ang duha sa upat ka suspek aduna nay mga pangan nga gipugngan lang una nila .
Giila usab sila sa mga saksi sa insidente .
Kung kahinumduman , tulo ang namatay sa ambush nga naglakip sa bana sa mayor nga si ABC President Ricardo Reluya Jr., tourism officer sa lungsod nga si Ricky Monterona u gang drayber sa van nga si Allan Bayot .
Facebook Comments
