Davao City – Miabot sa 16 nga Good Conduct Time Allowance kun GCTA recipients ang boluntaryong mitahan sa ilang kaugalingon ngadto sa kapulisan dinhi sa Davao region.
Kini ang latest update nga natala sa Police Regional Office o PRO XI, alas 10 kaganinang buntag human nga mihatag og kinse ka diyas si Presidente Rodrigo Duterte ngadto sa mga nabuhian sa GCTA nga mu-surrender sa otoridad.
Sa datos sa PRO XI, dunay 76 ka mga GCTA recipients ang nasa listahan diin 5 niini ang mi-surrender sa Davao City Police Office, 4 sa Davao del Norte Police, usa sa Davao Oriental Police, 3 sa Compostela Valley Province Police, duha sa Davao del Sur, ug usa sa Davao Occidental diin sagad sa mga kasong gikalambigitan mao ang rape, murder ug droga.
Subay niini, naghulat pa og go signal ang PRO XI gikan sa Higher Headquarters bahin sa Manhunut operation nga gikatakdang ilusad karong adlawa diin andam na ang tracker teams sa kapulisan sa rehiyon sa pagpahigayon sa maong operasyon.
RadyoMaN Renz Barbarona
