Davao City – Nagtuo ang Police Regional Office (PRO-XI) nga hapsay ang distribution sa financial assistance kung sa kapulisan ug militar
i-sangon sa Department of Social Welfare and Development (DSWD-XI) ang paghatag sa ayuda sa katawhan nga apektado sa lockdown.
Sumala ni Brig. General Filmore Escoval, PRO-XI Regional Director, posibleng mawala ang mga kontrobersya sama sa SAP distribution irregularities tungod kay dili isugal sa mga pulis ang ilang panerbisyo aron lamang maghimo og anomaliya susama sa akusasyon batok sa pipila ka mga opisyales sa Barangay.
Matud ni Brig. General Escoval, dili maglisod ang PNP kung tahasan sila sa DSWD gumikan kay nakaplastar na ang mga pulis sa tanang munisipalidad sa rehiyon.
Dugang ni Escoval nga dili malisdan ang organisasyon tungod kay dili na bag-o kanila ang paghupot og mga nationwide nga tahas susama sa election.
Samtang nagpaabot na lamang sila sa deriktiba gikan sa PNP Higher Headquarters aron maoy mangulo sa SAP 2nd tranche distribution.
Kahinumduman nga girekomendar sa IATF kang President Rodrigo Duterte pinaagi ni DSDW Sec. Rolando Bautista nga itugyan na sa PNP ug AFP ang pagpang-apod-apod sa financial assitance sa kagamhanan.
RadyoMaN Erin Lumosbog
