NEGROS OCCIDENTAL – Nagpain sang kapin P9.2 million pesos nga budget ang provincial government para sa pagbakal sang agricultural machinery.
Lakip sa pagabaklon sang probinsya amo ang 2 ka 70-horsepower harvesters nga naga-balor sang P4.4 million, 3 ka ride-on transplanters, P3.2 million; duha ka walk-behind transplanters – P800,000 subong man laser leveler – P800,000.
Suno kay Provincial Agriculturist head Japhet Masculino nga maga-abot naman sa masunod nga semana ang lima ka truck kag tatlo ka 35-horsepower harvester nga una na gin-bakal sang probinsya.
Nahibalu-an nga gina-develop sa karon sang OPA ang 200 hektarya nga talamnan sa Barangay Taloc, Bago City sa diin gina-himo ini nga MODEL FARM para sa full mechanization./dyHB BACOLOD
Facebook Comments
