May nagdugang nga siyam ka mga nagpositibo sa COVID-19 ang probinsya sang Negos Occidental, ginalakipan sang 6 ka mga Locally Stranded Individual kag 3 ka mga repatriated OFW.
Ini ang gin-confirm sang Provincial Incident Management Team kag Provincial Inter Agency Task Force as of June 19, 2020. Ang lima ka mga LSI ginalakipan sang 22 anyos nga lalaki taga Escalante City, LSI halin sa Cebu kag naka LGU facility quarantined.
Subong man ang isa ka 36 anyos nga babayi taga Cadiz City LSI halin sa Cebu naka LGU facility quarantine; 36 anyos nga lalaki, taga San Carlos City, LSI halin sa sa Cebu kag naka home quarantine subong man ang isa ka 31 anyos nga babayi.
Lakip pa gid sa LSI amo ang 10-anyos nga basta nga lalaki taga Moises Padilla, LSI halin sa Manila, naka facility quarantine kag ang 43 anyos nga lalaki taga Silay City, LSI halin sa Cebu nga naka home quarantine naman, tanan asymptomatic.
Samtang ang tatlo naman ka mga OFWs ginalakipan sang 32 anyos nga babayi, 38 anyos nga babayi kag ang 45 anyos pa gid nga babayi, tanan naka hotel quarantined kag asymptomatic.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
