Padayunon sa gihapon sang provincial government sang Negros Occidental ang pagpaidalom sa swab test sa mga Negrense nga magapauli halin sa Panay sumugod bwas nga adlaw sa pagbalik-byahe na sang mga fast crafts.
Ini ang gin-confirm sa DYHB ni Governor. Eugenio Jose Lacson, matapos gin-anunsyo sang city government sang Bacolod nga indi na pagpaidalom sa swab test kag quarantine ang mga Bacolodnon nga magahalin sa Panay kun magbalik na ang byahe.
Suno kay Gov. Lacson, luyag nila nga padayunon ang swabbing sa mga nagapauli nga Negrense agud masiguro nga hilway ang mga ini sa coronavirus. May opsyon man ang mga Negrense nga indi magpa-swab test kun sila ang nagadali apang gina-encourage gid sila sang gobernador nga hingalitan ang proseso bangud libre man ini. Samtang ginpahayag ni Lacson nga kun luyag man sang mga Bacolodnon magpa-swab test sa provincial government, pahanugutan man nila.
Ginapasalig ni Lacson nga tubtob masarangan, padayunon ang swabbing sa mga returning Negrenses halin sa Panay, kag nagaplano naman karun ang probinsiya nga magbakal sang dugang nga test kits.
Ginapasalamatan man sang opisyal ang mga local government units nga handa maghatag sang pondo para sa pag-mintinar sang molecular laboratory sa Teresita Jalandoni Provincial Hospital sa ciudad sang Silay.
[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
